Abhayam News
AbhayamNews

જુઓ તસવીરો:-ગુજરાતનો આ જિલ્લો જળબંબાકાર, 4 કલાકમાં આટલા ઈંચ ખાબક્યો વરસાદ..

આણંદમાં પાછલા બે દિવસથી ધોધમાર વરસાદ વરસી રહ્યો છે. આજે સવારે 6 વાગ્યાથી 10 વાગ્યા સુધીમાં શહેરની આસપાસના ગામોમાં 4 કલાકમાં 7 ઇંચ વરસાદ પડવાથી પૂર જેવી સ્થિતિ સર્જાઇ છે. નીચેના વિસ્તારોમાં પાણી ભરાઇ ગયા છે. તો રસ્તાઓ પર પાણી ભરાઇ જવાના કારણે નદી વહેતી હોઇ એવા દ્રશ્યો સર્જાયા છે.

સ્થાનિક નદીઓ ઉફાને હોવાના કારણે ઘણાં ગામોથી સંપર્ક તૂટ્યો છે. વીજળીના થાંભલા પડવાથી ડઝનો ગામો અંધારપાટ છે. હવામાન વિભાગથી મળેલી જાણકારી અનુસાર, આજે સવારે પેટલાદમાં 48. ખંભાતમાં 22, બોરસદમાં 15, આંકલાવમાં 8, સોજીત્રામાં 4, તારાપુરમાં 2 અને ઉમરેઠ ગામમાં લગભગ 1 મિમી વરસાદ પડ્યો છે.

હળવદથી 18 કિમી દૂર ચિત્રોદી ગામમાં પૂર જેવી સ્થિતિ બની છે. ધોધમાર વરસાદના કારણે ફલકુ અને બ્રાહ્મણી નદીમાં પૂર આવ્યું છે. નદીનું પાણી ગામમાં દાખલ થવા લાગ્યું છે. જેનાથી ગામના ઘણાં વિસ્તારો ટાપુમાં ફેરવાયા છે. સવારે એક પશુશાળાની લગભગ બે ડઝનથી વધુ બકરા-બકરી અને ઘેટા પુરની ચપેટમાં આવી ગયા હતા, પરંતુ સમય રહેતા ગામવાળાઓએ તેમને બચાવી લીધા હતા

ભારે વરસાદના કારણે આણંદ બસ સ્ટેન્ડ વિસ્તારમાં વરસાદી પાણી ભરાયા છે. જેને લઇ મુસાફરો મુશ્કેલીમાં મૂકાયા હતા. તુલસીનગર વિસ્તારમાં ગરનાળામાં પાણી ભરાતા અવર જવર માટે રસ્તો બંધ કરાયો હતો. આગામી 3 કલાકમાં ભારે વરસાદની આગાહી કરવામાં આવી છે. 40 થી 50 કિમીની ઝડપે પવન ફૂકાવાની શક્યતા વ્યક્ત કરવામાં આવી છે.

આણંદ જિલ્લામાં બુધવારે રાતથી વરસાદ વરસી રહ્યો છે. બે દિવસોમાં જિલ્લામાં 13 ઇંચ વરસાદ નોંધાયો છે. નીચલા વિસ્તારોમાં ઘરોમાં પાણી ભરાઇ જવાના કારણે લોકોને આર્થિક નુકસાન થયું છે. શહેરના વિદ્યાનગર, આણંદ અંબાજી મંદિર, લક્ષ્મી ટોકિસ, રાજમહલ રોડ જેવા વિસ્તારોમાં પાણી ભરાવો થયો છે. માર્કેટોમાં પાણી ભરાવાને કારણે નાના મોટા વ્યવસાયો ઠપ થયા છે.

નીચે આપેલી લીંક પર ક્લિક કરીને જોડાઓ Abhayam news  સાથે.

વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.

તમે અમને Whatsapp , Facebook , instagram અને  Youtube  પર પણ લાઇક અને ફોલો કરી જોડાઓ Abhayam news  સાથે…

Related posts

સુરત:-સેવાનાં સરદાર એટલે ટીમ સરદારધામ..

Kuldip Sheldaiya

ભારતનો આર્થિક વૃદ્ધિદર 6.7 ટકા રહેવાની ધારણા

Vivek Radadiya

ઈટલીના PMએ PM મોદી સાથે શેર કરી તસવીર 

Vivek Radadiya