રાજકોટમાં શિમલા-મનાલી જેવા દ્રશ્યો આવ્યા સામે Rajkot Heavy Rain : ગુજરાતમાં હવામાન વિભાગની આગાહી પ્રમાણે આજે વહેલી સવારથી કમોસમી વરસાદ શરૂ થયો છે. આ દરમિયાન રાજકોટમાં તો જાણે હિલસ્ટેશન જેવો માહોલ બન્યો છે. વિગતો મુજબ રાજકોટના માલિયાસણ પાસે આવેલ બ્રિજ ઉપર બરફના ચાદર પથરાઈ ગઈ છે. જેને લઈ અહીં શિમલા-મનાલી જેવા દ્રશ્યો જોવા મળ્યા હતા. આ દરમિયાન લોકો બરફના ગોળા બનાવી એકબીજા પર ફેંકતા જોવા મળ્યા હતા.
રાજકોટના માલિયાસણના બ્રિજ ઉપર કરા સાથે વરસાદ બાદ બરફની ચાદર છવાઈ ગઈ છે. અહીં હિલસ્ટેશન જેવો માહોલ બનતા લોકો પણ પ્રકૃતિનો આનંદમાણવા માલિયાસણના બ્રિજ પર પહોંચ્યા હતા. બ્રિજ પર પહોંચી લોકો એક બીજા પર બરફના ગોળા બનાવી ફેંકીને આનંદ માણી રહ્યા હતા. બ્રિજ બરફના ચાદરથી ઢંકાઈ ગયો હોય શિમલા-મનાલી જેવા દ્રશ્યો બન્યા હતા.
રાજકોટમાં શિમલા-મનાલી જેવા દ્રશ્યો આવ્યા સામે
રાજકોટ-મોરબીમાં કરા પડ્યા
રાજકોટના માલિયાસણમાં કરાનો વરસાદ થયો છે. વિગતો મુજબ માલિયાસણ પાસે આવેલ બ્રિજ બરફના ચાદરથી ઢંકાઈ ગઈ છે. આ તરફ સ્થાનિકો પ્રાકૃતિક દ્રશ્યો નિહાળવા બ્રિજ પર પહોંચ્યા છે. આ સાથે મોરબી જિલ્લામાં કમોસમી વરસાદ નોંધાયો છે. વાંકાનેર શહેરના આસપાસના વિસ્તારમાં વહેલી સવારે કરા સાથે વરસાદ પડ્યો છે. મહત્વનું છેકે, પવન સાથે વરસાદ શરૂ થતા ખેડૂતો મૂંઝાયા છે.
રાજકોટ શહેરમાં સાથે ધોધમાર વરસાદ
રાજકોટ જિલ્લાના અનેક વિસ્તારોમાં ગાજવીજ અને ભારે પવન સાથે વરસાદ વરસ્યો છે. વિગતો મુજબ જિલ્લાના ગોંડલ શાપર વેરાવળ સહિતના વિસ્તારોમાં વરસાદ પદુઓ છે. આ સાથે ભારે વરસાદ સાથે અમુક વિસ્તારોમાં કરા પણ પડ્યા છે. જોકે હવે ભારે વરસાદ બાદ પંથકમાં જીરું, ચણા સહિતના પાકમાં મોટા પ્રમાણમાં નુકસાન થતા ખેડૂતો ચિંતિત બન્યા છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…