Abhayam News
Abhayam News

કોવિડ પોઝિટિવ રીપોર્ટ રૂ. 6 હજારમાં સુરત પાલિકાનો મેડિકલ ઓફિસર વેચતો પકડાયો.

તમે કોવિડનો નેગેટિવ રિપોર્ટ બોગસ બને છે તેવું તો ઘણી જગ્યાએ સાંભળ્યું હશે પરંતુ પોઝિટિવ રિપોર્ટ પણ વેયાય છે તેવું સાંભળ્યું છે ખરૂ. હા આ સાચું છે. તે પણ સુરત મહાનગરપાલિકાની સ્મીમેર હોસ્પિટલમાં જ આ વેપલો થતો હતો. તમને જાણીને આશ્ચર્ય થશે કે મેડિકલ ઓફિસર જ આ વેપલો કરતો હતો. પરંતુ તે હવે એન્ટી કરપ્શન બ્યુરોના હાથે પકડાઇ ગયો છે. નવાઇની વાત એ છે કે તે રિપોર્ટ પણ છડેચોક હોસ્પિટલની બહાર જ આપતો હતો.

આ માટે તેણે આધારકાર્ડની નકલ વોટ્સેપ પર માગી અને રૂ. 2500 પણ આપી દીધા. બાકીના રૂપિયા રિપોર્ટ આવે એટલે આપવાનું નક્કી કર્યું હતું. પરંતુ પછીથી રિપોર્ટ લેનાર ભાઇને તેની જરૂર ન હતી એટલે તેણે એન્ટી કરપ્શન બ્યુરોનો સંપર્ક કર્યો. એસીબીએ તેને પકડવામાં માટે છટકું ગોઠવ્યું. દીપકે સહરા દરવાજા પર આવેલા સ્મીમેર હોસ્પિટલની ગેટ પર જ રિપોર્ટ લેવા બોલાવ્યો હતો. બુધવારે તે રિપોર્ટ લેવા માટે ગયો. એસીબીની ટીમ સાથે જ હતી. જેમ જે દીપકે રૂ. 2500 બાકી હતા તે હાથમાં લીધા કે તરત જ તેને રંગેહાથ ઝડપી લીધો. તેને હાલ એસીબીના સકંજામાં છે.

એન્ટી કરપ્શન બ્યૂરોના જણાવ્યા અનુસાર એક વ્યક્તિને રેપિડ એન્ટીજન ટેસ્ટના પોઝિટીવ રિપોર્ટની જરૂર હતી. તેણે સુરત મ્યુનિસિપલ ઇન્સ્ટિટ્યૂટ ઓફ મેડિકલ સાયન્સ અને રીસર્ચ એટલે કે સ્મીમેરના મેડિકલ ઓફિસર દીપક વિનોદ ગઢિયાનો સંપર્ક કર્યો. ભાવ-તાલ કર્યા પછી તે રૂ. 6000માં વેચવા તૈયાર થઇ ગયો.

આ કાર્યવાહીમાં ટ્રેપીંગ અધિકારી તરીકે એન.કે.કામળીયા, પો.ઇન્સ., નવસારી એ.સી.બી. પો.સ્ટે ઉપરાંત કે.જે.ચૌધરી, પો.ઇન્સ. નવસારી એ.સી.બી.પો.સ્ટે. તથા એ.સી.બી. સ્ટાફ હતો. ટ્રેપની ગોઠવણ સુપર વિઝન અધિકારી એન.પી.ગોહિલ, મદદનીશ નિયામક, એ.સી.બી. સુરત એકમ, સુરતના માર્ગદર્શનમાં કરવામાં આવી હતી.

જોકે, આ ઘટનાથી એક વાત નક્કી છે કે કેટલાક લોકો કોવિડ પોઝિટીવ રિપોર્ટનો ગેરઉપયોગ પણ કરી રહ્યા છે. પછી તે નોકરીમાંથી રજા લેવાનું બહાનું હોય કે પછી સરકારી કે પોલીસ કાર્યવાહીથી બચવા માટે હોય. 

નીચે આપેલી લીંક પર ક્લિક કરીને જોડાઓ Abhayam news  સાથે.

વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.

તમે અમને Whatsapp , Facebook , instagram અને  Youtube  પર પણ લાઇક અને ફોલો કરી જોડાઓ Abhayam news  સાથે…

Related posts

દાતાઓની ભૂમિ કહેવાતી આ કર્ણની ભૂમિ માં આ બંને ભામાશા કોરોના દર્દીઓ માટે બન્યા દેવદૂતો…

Abhayam

આજે ભારત ની દીકરી ધરતીથી 3 લાખ ફુટ ઉપર ઊડાન ભરશે..

Deep Ranpariya

સુરતમાં ભાજપના કાર્યાલય એ બોલાવાયેલી મિટિંગ માં સોશિયલ ડિસ્ટન્સના ઉડ્યા ધજાગરા..

Abhayam

Leave a Comment