સુરત પોલીસ અવાર-નવાર ચર્ચાનો વિષય બનતી આવે છે. ત્યારે આજરોજ સુરતના સચિન વિસ્તારમાં એક એવી ઘટના બની કે, જાણીને તમને પણ વિશ્વાસ નહિ થાય. સુરત સચિન વિસ્તારમાં સાઈકલ ચાલકને પોલીસ દ્વારા મેમો ફટકારવામાં આવ્યો છે.
આપણો દેશ અજબ ગજબનો છે. અહીં ખૂબ મોટા ગુનાઓ કરીને માલ્યાઓ અને મોદીઓ વિદેશ ભાગી જતા હોય છે પરંતુ નાના માણસોને ઘણીવાર પોલીસ કે કોર્ટના ચક્કર લગાવવા પડતા હોય છે. અહીં એક એવો જ કિસ્સો બન્યો છે. સુરતમાં એક ભાઇ સાયકલ લઇને જતા હતા. તેઓ રોંગ સાઇડમાં ઘુસી ગયા. ત્યાં ફરજ પર હાજર પોલીસે ભાઇને કોર્ટનો મેમો ફટકારી દીધો. હવે ભાઇ જ્યાં સુધી કોર્ટમાં જઇને હાજર નહીં થાય ત્યાં સુધી તેમની સામે ગુનો ઊભો જ રહેશે.
પોલીસ આ રીતે સાઈકલ ચાલકનો મેમો ફાડી ન શકે, તેમ છતાં સુરત સચિન વિસ્તારમાં પોલીસે સાઈકલ ચાલકનો રોંગસાઈડમાં આવવાના ગુના હેઠળ મેમો ફટકારવામાં આવ્યો.
સાઈકલ ચાલકને આ રીતે મેમો ફટકારતા અનેક સવાલો ઉભા થઇ રહ્યા છે. હાલમાં આ સાઈકલ ચાલકનો એક ફોટો પણ વાઈરલ થયો છે. જેમાં સાઈકલ ચાલક હાથમાં મેમો પકડીને પોતાની સાઈકલ ઉપર ઉભેલા જોવા મળી રહ્યા છે.
રોંગસાઈડમાં ગાડી ચલાવતા વ્યક્તિ, હેલ્મેટ ન પહેર્યું હોય, લાઈસન્સ ન હોય આવા સંજોગોમાં પોલીસ મેમો ફાડી શકે તેવો નિયમ છે. પરંતુ સુરતમાં સાઈકલ ચાલકને પોલીસ દ્વારા મેમો ફટકારવામાં આવ્યો છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે
