રશ્મિકા મંદાના વીડિયો વાયરલ શ્મિકા મંદાનાનો ફેક વિડિયો હાલ વાયરલ થતા બોલી, આ ખૂબ ડરામણી વાત છે, માત્ર મારા માટે જ નહીં પરંતુ આપણામાંના દરેક માટે. કેવી રીતે ટેકનોલોજીનો દુરુપયોગ થઈ રહ્યો છે.
- રશ્મિકા મંદાનાનો એક ફેક વિડિયો હાલ વાયરલ થઈ રહ્યો છે
- આ વિડીયો AI ડીપફેક ટેક્નોલોજીથી બનાવવામાં આવ્યો હતો
- રશ્મિકાએ ફેક વીડિયોને ખૂબ જ ડરામણો ગણાવ્યો હતો
અભિનેત્રી રશ્મિકા મંદાના નો એક ફેક વિડિયો સામે આવ્યો છે, જે AI દ્વારા બનાવવામાં આવ્યો હતો. વીડિયોમાં જોવા મળી રહ્યું છે કે લિફ્ટમાં એક મહિલા પ્રવેશે છે, જેનો ચહેરો બિલકુલ રશ્મિકા જેવો છે. આ વિડીયોમાં AIની ડીપફેક ટેક્નોલોજીની મદદથી તે મહિલાનો ચહેરો બરાબર રશ્મિકા જેવો બનાવવામાં આવ્યો છે. આ વીડિયો સામે આવ્યા બાદ રશ્મિકા મંદાના ની પ્રતિક્રિયા પણ આવી છે. રશ્મિકાએ ફેક વીડિયોને ખૂબ જ ડરામણો ગણાવ્યો હતો.
રશ્મિકા મંદાના વીડિયો વાયરલ
રશ્મિકાએ પોતાનું દર્દ વ્યક્ત કર્યું
અભિનેત્રીએ પોસ્ટ કરેલા નિવેદનમાં લખ્યું હતું કે, ‘હું આ શેર કરતાં ખરેખર દુઃખી છું અને હું મારા ડીપફેક વીડિયોને ઓનલાઈન ફેલાવવા વિશે વાત કરવા માંગુ છું. આ ખૂબ ડરામણો છે, માત્ર મારા માટે જ નહીં પરંતુ આપણામાંના દરેક માટે. કેવી રીતે ટેકનોલોજીનો દુરુપયોગ થઈ રહ્યો છે. આજે એક મહિલા અને એક અભિનેતા તરીકે હું મારા પરિવાર, મિત્રો અને શુભેચ્છકોનો આભારી છું જેઓ મારી સુરક્ષા અને સપોર્ટ સિસ્ટમ છે. પરંતુ જો હું શાળા કે કોલેજમાં હતો ત્યારે મારી સાથે આવું બન્યું હોત, તો હું ખરેખર તેની સાથે કેવી રીતે વ્યવહાર કરી શકત તેની હું કલ્પના કરી શકતી નથી. આપણે આને એક સમુદાય તરીકે અને તરત જ સંબોધવાની જરૂર છે.
કેન્દ્રીય મંત્રી રાજીવ ચંદ્રશેખરે કહી આ વાત
કેન્દ્રીય મંત્રી રાજીવ ચંદ્રશેખરે અભિનેત્રી રશ્મિકા મંદના ના વાયરલ ડીપફેક વીડિયોને લઈને કડક સૂચના આપી હતી. વિડિયોમાં મૂળ બ્રિટિશ-ભારતીય સેલિબ્રિટી ઝારા પટેલ છે, પરંતુ ડીપફેકમાં તેનો ચહેરો રશ્મિકાના ચહેરા સાથે બદલવામાં આવ્યો છે. ખુદ રશ્મિકાએ પણ ટ્વિટર પર આ અંગે લોકોને સત્ય જણાવ્યું છે. તે જ સમયે, કેન્દ્રીય મંત્રીએ કહ્યું કે વડાપ્રધાન નરેન્દ્ર મોદીની સરકાર ઈન્ટરનેટનો ઉપયોગ કરતા તમામ ડિજિટલ નાગરિકોની સુરક્ષા અને વિશ્વાસ સુનિશ્ચિત કરવા માટે પ્રતિબદ્ધ છે. તેમણે IT નિયમો હેઠળ સોશિયલ મીડિયા પ્લેટફોર્મ માટે કાનૂની જવાબદારીઓનો ઉલ્લેખ કર્યો છે.
ડીપફેક્સ એ ખોટી માહિતીનું ખતરનાક અને હાનિકારક સ્વરૂપ છે
તેમણે કહ્યું કે, એપ્રિલ 2023માં સૂચિત કરાયેલા IT નિયમો હેઠળ, પ્લેટફોર્મ્સ માટે એ સુનિશ્ચિત કરવાની કાનૂની જવાબદારી છે કે કોઈપણ યુઝર્સ દ્વારા કોઈ ખોટી માહિતી પોસ્ટ કરવામાં ન આવે અને જો કોઈ યુઝર્સ અથવા સરકાર દ્વારા જાણ કરવામાં આવે તો તેને દૂર કરવામાં આવે. જો પ્લેટફોર્મ તેનું પાલન ન કરે તો પીડિતા તેમને ભારતીય દંડ સંહિતાની જોગવાઈઓ હેઠળ કોર્ટમાં લઈ જઈ શકે છે. ડીપફેક્સ એ ખોટી માહિતીનું નવીનતમ, વધુ ખતરનાક અને હાનિકારક સ્વરૂપ છે અને પ્લેટફોર્મ દ્વારા તેનો સામનો કરવાની જરૂર છે.
અમિતાભ બચ્ચન સમર્થનમાં આવ્યા
આ વીડિયો સામે આવ્યા બાદ અમિતાભ બચ્ચન પણ રશ્મિકા મંદાના ના સમર્થનમાં સામે આવ્યા છે. વીડિયો શેર કરતી વખતે, બોલીવુડ અભિનેતા અમિતાભ બચ્ચને નવા કાયદાકીય પગલાંની જરૂરિયાત પર ભાર મૂક્યો હતો. જણાવી દઈએ કે રશ્મિકાએ બિગ બી સાથે ફિલ્મ ‘ગુડબાય’થી બોલિવૂડમાં એન્ટ્રી કરી હતી.
સાઉથની અભિનેત્રી રશ્મિકા મંદન્ના નો એક બોલ્ડ વીડિયો સોશિયલ મીડિયા પર ખૂબ જ વાયરલ થયો છે. આ વીડિયોમાં એક યુવતિ જોવા મળી રહી છે. જોકે, AI એપની મદદથી તેને રશ્મિકા જેવી બનાવવામાં આવી છે. સોશિયલ મીડિયા પર આ વીડિયો વાયરલ થતા જ અનેક લોકો ગુસ્સે થયા છે. X પર ઘણા યુઝર્સે પોસ્ટ કર્યું છે કે, આ એક AI જનરેટેડ વીડિયો છે અને ક્લિપમાં દેખાતી યુવતિ રશ્મિકા મંદાના નથી.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે
