Abhayam News
AbhayamGujaratNews

ભારતીય સેનામાં મહિલા અગ્નીવીર ને સૈનિક તરીકે સામેલ કરવાનો પ્રસ્તાવ

ભારતીય સેનામાં મહિલા અગ્નીવીર હવે ભારતીય સેનામાં મહિલાઓનું કદ વધારવાની તૈયારીઓ થઈ રહી છે.એવા સમાચાર છે કે મહિલા અગ્નીવીરોને સૈનિક તરીકે સામેલ કરવાનો પ્રસ્તાવ મુકવામાં આવ્યો છે. જોકે, આ અંગે સત્તાવાર રીતે કંઈ કહેવામાં આવ્યું નથી.

એ વાત તો નોંધનીય છે કે ભારતીય સશસ્ત્ર દળોમાં જૂન 2022 થી અગ્નિપથ યોજના દ્વારા ભરતી ચાલુ છે. આંકડાની વાત કરીએ તો હાલમાં ભારતીય સૈન્ય સેવાઓમાં લગભગ 1700 મહિલા અધિકારીઓ છે.એવામાં હવે મહિલા અગ્નીવીરોને પણ ભારતીય સૈન્યમાં સૈનિક તરીકે સામેલ કરવામાં આવી શકે છે. 

ભારતીય સેનામાં મહિલા અગ્નીવીર

ભારતીય સૈન્યના ત્રણ વર્ગ:
ભારતીય સેનામાં સૈનિકોને તેમની ભૂમિકા અને કાર્યના આધારે ત્રણ વર્ગોમાં વહેંચવામાં આવે છે.કોમ્બેટ આર્મ્સ જેમાં પાયદળ, આર્મર્ડ અને મિકેનાઇઝ્ડ ઇન્ફન્ટ્રીનો સમાવેશ થાય છે. બીજું છે કોમ્બેટ સપોર્ટ આર્મ્સ જેમાં આર્ટિલરી, એન્જિનિયર્સ, એર ડિફેન્સ, લશ્કરી ઉડ્ડયન અને SAN ઇન્ટેલિજન્સનો સમાવેશ થાય છે અને ત્રીજું સર્વિસીઝ જેમાં આર્મી સર્વિસ કોર્પ્સ, આર્મી ઓર્ડનન્સ કોર્પ્સ, ઇલેક્ટ્રિકલ અને મિકેનિકલ એન્જિનિયર્સ કોર્પ્સ અને આર્મી મેડિકલ કોર્પ્સ તેનો એક ભાગ છે.

એક મીડિયા રિપોર્ટ અનુસાર મહિલાઓને સૈનિક તરીકે નિયુક્ત કરવાનો પ્રસ્તાવ અંતિમ તબક્કામાં છે.એવું કહેવામાં આવી રહ્યું છે કે ભરતી પહેલા સેવાઓથી શરૂ થશે.બાદમાં તેને કોમ્બેટ સપોર્ટ આર્મ્સમાં વિસ્તરણ કરવામાં આવશે.ભારતીય સેનામાં 10 લાખથી વધુ સૈનિકો છે.અત્યાર સુધી સૈન્ય સ્તરે મિલિટરી પોલીસ કોર્પ્સમાં મહિલાઓનો સમાવેશ થતો હતો.

જૂન 2016 માં જ, ભારતીય વાયુસેનાએ લડાયક ભૂમિકામાં મહિલાઓની નિમણૂક કરવાનું શરૂ કર્યું.તે દરમિયાન ત્રણ મહિલા અધિકારીઓ એરફોર્સમાં ફાઈટર પાઈલટ તરીકે જોડાઈ હતી.અત્યાર સુધી IAF 15 મહિલા ફાઈટર પાઈલટને સેનાનો ભાગ બનાવી ચૂકી છે. સાથે જ ડિસેમ્બર 2022 માં, નેવીએ તમામ સેવાઓમાં મહિલા અધિકારીઓ માટે દરવાજા પણ ખોલ્યા હતા. 

ભારતીય નૌકાદળે અત્યાર સુધીમાં 28 મહિલા અધિકારીઓને જહાજો પર તૈનાત કર્યા છે.આ ઉપરાંત નૌકાદળના વિમાનો અને હેલિકોપ્ટર પર લડાયક ભૂમિકામાં મહિલા અધિકારીઓને પણ તૈનાત કરવામાં આવી છે.

નીચે આપેલી લીંક પર ક્લિક કરીને જોડાઓ Abhayam news  સાથે.

વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.

તમે અમને Whatsapp , Facebook , instagram અને  Youtube  પર પણ લાઇક અને ફોલો કરી જોડાઓ Abhayam news  સાથે

Related posts

ગુજરાત યુનિ.ની યુજી સેમ-૧ની ઓનલાઈન પરીક્ષાઓ આ તારીખ થી ચાલુ ….

Abhayam

રાજસ્થાનમાં ભાજપની જીતને લઈ જે પી નડ્ડાનું નિવેદન

Vivek Radadiya

રિપીટર્સની પરીક્ષા યોજાશે કોઇ પણ સ્થિતિમાં……

Abhayam