વિશ્વની સૌથી મોટી લોકશાહી 15મી ઓગસ્ટ આપણી આઝાદીની ઉજવણીનો દિવસ છે, 26મી જાન્યુઆરી આપણા પ્રજાસત્તાકની ઉજવણીનો દિવસ છે, તેવી જ રીતે 31મી ઓક્ટોબર દેશના ખૂણે ખૂણે રાષ્ટ્રવાદના સંચારનો પર્વ બની ગયો છે.
વિશ્વની સૌથી મોટી લોકશાહી
આજે સરદાર સાહેબની જયંતિ છે, ત્યારે કેવડિયા સ્ટેચ્યુ ઓફ યુનિટી ખાતે રાષ્ટ્રીય એકતા દિવસની ભવ્ય ઉજવણી કરવામાં આવી રહી છે. PM નરેન્દ્ર મોદીએ સ્ટેચ્યુ ઓફ યુનિટી ખાતે સરદાર સાહેબની ચરણ વંદના કરી પુષ્પાંજલિ અર્પણ કરી હતી. સરદાર સાહેબને નમન કરી પીએમ મોદીએ લોકોને એકતાના શપથ પણ લેવડાવ્યા હતા. જ્યારે પીએમ મોદીએ પરેડ નિહાળી હતી.
વડાપ્રધાન નરેન્દ્ર મોદીએ કહ્યું હતું કે, તમામ યુવાનોનો ઉત્સાહ રાષ્ટ્રીય એકતા દિવસની મોટી તાકાત છે. એક રીતે મારી સામને લઘુ ભારતનું સ્વરૂપ દેખાઇ રહ્યું છે. રાજ્ય અલગ છે, ભાષા અલગ છે, પરંપરા અલગ છે, પરંતુ અહીં હાજર દરેક વ્યક્તિ એકતાના મજબૂત દોરથી જોડાયેલ છે
આ પ્રસંગે પીએમ મોદીએ જણાવ્યું કે, મન ઘણા છે, પણ માળા એક છે; શરીર ઘણા છે, પણ મન એક છે. જે રીતે 15મી ઓગસ્ટ આપણી આઝાદીની ઉજવણીનો દિવસ છે, 26મી જાન્યુઆરી આપણા પ્રજાસત્તાકની ઉજવણીનો દિવસ છે, તેવી જ રીતે 31મી ઓક્ટોબર દેશના ખૂણે ખૂણે રાષ્ટ્રવાદના સંચારનો પર્વ બની ગયો છે.
15મી ઓગસ્ટે દિલ્હીના લાલ કિલ્લા ખાતે યોજાનાર કાર્યક્રમ, 26મી જાન્યુઆરીએ દિલ્હીના દૂતવા પથ પર પરેડ અને 31મીએ સ્ટેચ્યુ ઓફ યુનિટીની હાજરીમાં મા નર્મદા કિનારે રાષ્ટ્રીય એકતા દિવસનો મુખ્ય કાર્યક્રમ રાષ્ટ્રીય ઉત્થાનની ત્રિમૂર્તિ બની છે.
ગુજરાતના એકતા નગરમાં સરદાર વલ્લભભાઈ પટેલની જન્મજયંતિ નિમિત્તે કાર્યક્રમને સંબોધતા વડાપ્રધાન નરેન્દ્ર મોદીએ કહ્યું હતું કે, આવનારા 25 વર્ષ ભારત માટે આ સદીના સૌથી મહત્વપૂર્ણ 25 વર્ષ છે. આ 25માં આપણે સમૃદ્ધ બનવાનું છે. વિકસિત બનવાનું છે.
અમૃતકાળમાં ભારતે ગુલામીની માનસિકતા છોડીને આગળ વધવાનો સંકલ્પ કર્યો છે. આપણે આપણી વિરાસતને સાચવવાની સાથે સાથે વિકાસ પણ કરી રહ્યા છીએ. ભારતે તેના નૌકા ધ્વજ પરથી ગુલામીનું પ્રતીક હટાવી દીધું છે. ગુલામી યુગમાં બનેલા બિનજરૂરી કાયદાઓને પણ હટાવવામાં આવી રહ્યા છે. જ્યાં એક સમયે ઈન્ડિયા ગેટ પર વિદેશી સત્તાના પ્રતિનિધિની પ્રતિમા હતી ત્યાં હવે નેતાજી સુભાષની પ્રતિમા આપણને પ્રેરણા આપી રહી છે.
વિશ્વ ભારતની પ્રશંસા કરી રહ્યું છે. વિશ્વની સૌથી મોટી લોકશાહીને નવી ઊંચાઈઓ પર લઈ જવા માટે અમને ગર્વ છે. અમને ગર્વ છે કે વિશ્વ જ્યારે યુદ્ધ અને અન્ય સંકટનો સામનો કરી રહ્યું છે ત્યારે પણ અમારી સરહદો સુરક્ષિત છે. અમને ગર્વ છે કે અમે ટૂંક સમયમાં વિશ્વની ત્રીજી સૌથી મોટી આર્થિક શક્તિ બનીશું.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે
