અમરેલીમાં પેટ્રોલ પમ્પ માલિક પાસે ફોનમાં ખંડણી માંગનાર અને ૧૦ લાખ ન આપે તો ફાયરિંગ કરી પરિવારને મારી નાખવાની ધમકી આપવાના બનાવમાં છત્રપાલ કિશોરભાઈ વાળા (રહે.અમરેલી) નામના નામચીન શખ્સને ગોંડલથી અમરેલી એલસીબીની ટીમે ઝડપી લીધો હતો.
ફોનમાં ધમકી આપતી વખતે આરોપીએ જિલ્લા પોલીસ વડા નિલપ્ત રાયનું નામ લઈને, ‘તને એસપી બચાવવા નહીં આવે’ એવું પણ કહ્યું હતું. તે અંગેનો ઓડિયો સોશ્યલ મીડિયામાં વાયરલ થતા ભારે ચર્ચા જાગી હતી.
અમરેલીના લાઠી રોડ ઉપર આવેલા ગુરૂદત પેટ્રોલપંપના માલિક હિતેશકુમાર નવનીતલાલ આડતીયાના મોબાઈલ ફોન ઉપર છત્રપાલ વાળા નામના શખ્સો ફોન આવ્યો હતો અને ફોનમાં કહેલું કે પેટ્રોલપંપ સારી રીતે ચલાવવો હોય અને પરિવારની ફિકર હોય તો ૧૦ લાખ આપવા પડશે નહીંતર ફાયરિંગ કરવું પડશે.
બાદમાં વેપારી હિતેષભાઈએ સીટી પોલીસમાં છત્રપાલ વાળા સામે ફરિયાદ નોંધાવી હતી. જિલ્લા પોલીસ વડા નિલપ્ત રાયએ આરોપીને તાત્કાલિક પકડવા એલસીબી અને એસઓજી અને સીટી પોલીસની સંયુક્ત રીતે ટીમો બનાવી કામે લગાડી હતી.
દરમ્યાન બનાવના ૪૮ કલાકમાં જ આરોપી છત્રપાલ વાળાને ગઈરાત્રીના ગોંડલમાં મોવિયા રોડ ઉપરથી એલસીબીએ ઝડપી લીધો હતો. આરોપી પાસેથી કાર તેમ જ મોબાઈલ ફોન કબ્જે લીધા હતા. તેની વિરુદ્ધ અગાઉ જિલ્લાના જુદા જુદા પોલીસ મથકોમાં ૬ જેટલા ગુના નોંધાયેલા હોઈ આરોપીને સીટી પોલીસને સોંપી વધુ તપાસ હાથ ધરાઈ છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…
