પેટ્રોલ-ડીઝલ થઈ જશે સસ્તું ! સરકાર કરી રહી છે તૈયારી 2022માં પેટ્રોલ પર 17 રૂપિયા પ્રતિ લીટર અને ડીઝલ પર 35 રૂપિયા પ્રતિ લીટરની ખોટ બાદ OMC હવે પેટ્રોલ પર 8-10 રૂપિયા પ્રતિ લીટર અને ડીઝલ પર 3-4 રૂપિયા પ્રતિ લીટરનો નફો કરી રહી છે. જે બાદ રિપોર્ટ મુજબ ઓઈલ મિનિસ્ટ્રી ઓએમસી સાથે ક્રૂડ ઓઈલ અને છૂટક કિંમત અંગે ચર્ચા કરી ચૂકી છે.
દેશમાં 20 મહિનાથી પેટ્રોલ અને ડીઝલના ભાવમાં કોઈ ફેરફાર થયો નથી. હવે જે રિપોર્ટ સામે આવ્યો છે તેના પરથી લાગે છે કે ઈંધણની કિંમતમાં ટૂંક સમયમાં જ ઘટાડો જોવા મળી શકે છે. મીડિયા રિપોર્ટ મુજબ, સરકારે 2024ની લોકસભા ચૂંટણી પહેલા વૈશ્વિક ક્રૂડ ઓઈલના ભાવમાં નરમાઈના ફાયદા ગ્રાહકો સુધી પહોંચાડવાના માર્ગો પર ચર્ચા શરૂ કરી છે.
2022માં પેટ્રોલ પર 17 રૂપિયા પ્રતિ લીટર અને ડીઝલ પર 35 રૂપિયા પ્રતિ લીટરની ખોટ બાદ OMC હવે પેટ્રોલ પર 8-10 રૂપિયા પ્રતિ લીટર અને ડીઝલ પર 3-4 રૂપિયા પ્રતિ લીટરનો નફો કરી રહી છે. જે બાદ રિપોર્ટ મુજબ ઓઈલ મિનિસ્ટ્રી ઓએમસી સાથે ક્રૂડ ઓઈલ અને છૂટક કિંમત અંગે ચર્ચા કરી ચૂકી છે.
રિપોર્ટમાં જણાવવામાં આવ્યું છે કે ઓઈલ માર્કેટિંગ કંપનીઓ હવે નફો કરી રહી છે, તેથી સરકારે લોકોને થોડી રાહત આપવા માટે આ બાબતે ચર્ચા કરવાનું શરૂ કર્યું છે. ત્યારે આ બાબતે નાણા મંત્રાલય અને ઓઈલ મંત્રાલય ક્રૂડ ઓઈલના વર્તમાન ભાવ પર વિચાર કરી રહ્યા છે. OMC નફાકારકતા ઉપરાંત, તેઓ વૈશ્વિક પરિબળોની પણ ચર્ચા કરી રહ્યા છે.
પેટ્રોલ – ડિઝલ કેમ થઈ શકે છે સસ્તુ?
છેલ્લા ત્રણ ક્વાર્ટરમાં મજબૂત નફાને કારણે OMCની ખોટ ઓછી થઈ છે. OMCs – IOC, HPCL અને BPCL -નો સંયુક્ત નફો છેલ્લા ક્વાર્ટરમાં રૂ. 28,000 હજાર કરોડ હતો. OMCની અંડર-રિકવરી પૂરી થઈ ગઈ હોવાથી, સરકાર વિચારી રહી છે કે ગ્રાહકોને પણ તેનો લાભ મળવો જોઈએ. આ સપ્તાહની શરૂઆતમાં, ઘટતી માંગ અને OPEC+ સપ્લાય કટને લંબાવવાની અનિશ્ચિતતા વચ્ચે ક્રૂડ ઓઈલના ભાવમાં ઘટાડો થયો હતો.
અગાઉ, મિન્ટે વિશ્લેષકોને ટાંકીને અહેવાલ આપ્યો હતો કે તેલની કિંમતો ઘટવાથી ભારતને ફુગાવો ઘટાડવામાં મદદ મળી શકે છે. તેમણે એ પણ નિર્દેશ કર્યો કે તેલના ભાવમાં ઘટાડો ભારતીય ઈક્વિટી માર્કેટને વેગ આપશે, ખાસ કરીને એવા ક્ષેત્રોમાં કે જેઓ કાચા માલ તરીકે ક્રૂડ ઓઈલનો ઉપયોગ કરે છે. તેનાથી વિપરીત, તેલના ભાવમાં ઘટાડાને કારણે કેટલાક વિસ્તારોમાં ઘટાડો થઈ શકે છે.
ક્રૂડ ઓઈલ કેટલું થયું?
જો કાચા તેલની કિંમતની વાત કરીએ તો તે ઘણા દિવસોથી 80 ડોલર પ્રતિ બેરલની નીચે ચાલી રહી છે. છેલ્લા એક મહિનાથી ખાડી દેશોમાં તેલનો ભાવ સરેરાશ 80 ડોલર પ્રતિ બેરલથી નીચે છે. જ્યારે યુએસ તેલના ભાવ એક મહિનાના સરેરાશ ભાવ $75 પ્રતિ બેરલથી નીચે રહ્યા છે. સોમવારે ગલ્ફ ઓઇલ $75.99 પ્રતિ બેરલની નીચે છે. જ્યારે અમેરિકન તેલની કિંમત 71.34 ડોલર પ્રતિ બેરલ પર ટ્રેડ થઈ રહી છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે
