કરોડની નોકરીને ઠોકર મારી, ઊભો કર્યો 50 કરોડનો કારોબાર ગાઝિયાબાદની 27 વર્ષની દીકરી આરુષિ અગ્રવાલે 50 કરોડ રૂપિયાની કંપની સ્થાપી છે. આ કંપની શરૂ કરતા પહેલા આરૂષિને 1 કરોડ રૂપિયાની નોકરીની ઓફર પણ આવી હતી. પરંતુ આરૂષિએ એને નકારી કાઢી હતી.
કરોડની નોકરીને ઠોકર મારી, ઊભો કર્યો 50 કરોડનો કારોબાર
ગાઝિયાબાદના નેહરુ નગરમાં રહેતી 27 વર્ષની આરુષિ અગ્રવાલની આ વાર્તા છે, જે હવે કરોડપતિ બની ગઈ છે. આરુષિ અગ્રવાલે પોતાની મહેનતના આધારે 50 કરોડ રૂપિયાની કંપની બનાવી. આ કંપનીનું નામ TalentDecrypt છે. આ કંપનીની સ્થાપના પહેલા આરુષીને ઘણી જોબ ઑફર્સ મળી હતી, જેમાં એક મોટી પ્રાઈવેટ કંપની આરુષીને 1 કરોડ રૂપિયાના પેકેજ સાથે જોડવા માંગતી હતી, પરંતુ તેણે આ ઓફર ફગાવી દીધી હતી.
મૂળ મુરાદાબાદની આરુષિએ નોઈડાની એક ખાનગી કોલેજમાંથી B.Tech અને M.Techનો અભ્યાસ કર્યો છે. 2018 ના અંતમાં, આરુષીએ કોડિંગ શીખીને સોફ્ટવેર વિકસાવવાનું શરૂ કર્યું. તેણીની સખત મહેનત પછી, માત્ર દોઢ વર્ષમાં સોફ્ટવેર ટેલેન્ટડીક્રિપ્ટ તૈયાર થઈ ગયું, જેણે આરુષીને એક નવો દરજ્જો આપ્યો. આટલું જ નહીં, આરુષિને ભારત સરકારના નીતિ આયોગ તરફથી દેશની 75 મહિલા સાહસિકોમાં એક એવોર્ડ પણ મળ્યો છે.
આરુષિની કંપની TalentDecrypt યુવાનોને તેમના સપનાની નોકરી મેળવવામાં મદદ કરે છે. હાલમાં અમેરિકા, જર્મની, સિંગાપોર, UAE, દક્ષિણ આફ્રિકા, શ્રીલંકા, નેપાળ અને અન્ય દેશોની 380 કંપનીઓ આરુષિની કંપનીની સેવાઓ લઈ રહી છે. આ કંપનીમાં યુવાનોએ હેકાથોન દ્વારા વર્ચ્યુઅલ સ્કિલ ટેસ્ટમાંથી પસાર થવું પડે છે.
કૌશલ્યની કસોટી પાસ કર્યા પછી, યુવાનોને સીધા જ કંપનીઓ સાથે જોડવામાં આવે છે અને ઇન્ટરવ્યુ લેવામાં આવે છે. આ ઈન્ટરવ્યુ પછી યુવાનો તેમની ઈચ્છિત નોકરી મેળવવા તરફ આગળ વધે છે. અત્યાર સુધીમાં સેંકડો યુવાનોને ટેલેન્ટડિક્રિપ્ટ દ્વારા નોકરીઓ મળી છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…….
