Abhayam News
AbhayamLife Style

જાણો કેવી રીતે ઘરે બેઠા બનાવશો પાઉં ભાજી પરોઠા….????

હેલ્લો ફ્રેન્ડ્સ,આપણે અનેક વાર અનેક પ્રકારના શાક સાથે પરોઠા ખાતાજ હોઈએ છીએ. પરંતુ આજે આપણે જે વાનગી બનાવતા શીખવાના છીએ, તે વાનગી પરોઠાનું એક નવીનીકરણ છે. આ પરોઠા પાઉ ભાજી વડે સ્ટફ (Pav Bhaji Paratha) કરવામાં આવેલ છે, જેથી પરોઠાની સાથોસાથ મહારાષ્ટ્રની ખુબજ પ્રખ્યાત એવી પાઉ ભાજીનો પણ સ્વાદ માણી શકાય. આ પરોઠા સામાન્ય પરોઠા કરતા વધુ સ્વાદિષ્ટ અને લાજવાબ એવા હોઈ છે. આ સવારના સમયે આવી કઈક બ્રેકફાસ્ટ ડીશ પ્રસ્તુત કરીને આપના પરિવારજનો અને બાળકોને ખુશ કરી શકો છો.

બનાવવામાં ખુબજ સરળ અને ખુબજ આસાન એવા આ પરોઠા આપ નાસ્તા તરીકે પણ સર્વ કરી શકો છો. આ પરોઠા બનાવવા માટે આપને મેંદાનો લોટ, ઘઉંનો લોટ, શાકભાજીઓ અને અન્ય કેટલાક મસાલાઓની જરૂર પડશે.આપ આ તમામ સામગ્રીઓ ખુબજ આસાનીથી બજારમાંથી મેળવી શકોછો. આ પરોઠા સ્વાદિષ્ટ હોવાની સાથોસાથ ખુબજ હેલ્થી પણ છે.કારણકે આ પરોઠામાં ઘણા બધા શાકભાજીઓનો ઉયોગ કરાયેલ છે. તો ચાલો મિત્રો જોઈએ પાઉ ભાજી પરોઠા બનાવવાની રીત.

પાઉં ભાજી પરોઠા બનાવવા માટેની આવશ્યક સામગ્રીઓ:

ઉપરના લેયર માટેની સામગ્રીઓ:

  • ૧/૨ કપ મેંદાનો લોટ(all purpose flour).
  • ૧/૨ કપ ઘઉંનો લોટ(wheat flour).
  • નમક સ્વાદ અનુસાર(salt).
  • ૧ ચમચી તેલ(oil).
  • તેલ,માખણ અથવા ઘી(oil, butter or ghee).

સ્ટફીંગ માટેની સામગ્રીઓ:

  • ૨૫૦ ગ્રામ બાફેલ ગાજર, કેપ્સીકમ, કોબીજ, બટાટા અને ફ્લાવર (carrots, capsicum, cabbage, potatoes and cauliflower).
  • ૩ ચમચી સમારેલ ડુંગળી(onion).
  • ૨ ચમચી સમારેલ ટામેટા(tomato).
  • ૧ ચમચી પાઉં ભાજી મસાલો(pav bhaji masala).
  • ૧ ચમચી આદું-લસણ-મરચાની પેસ્ટ(ginger-garlic-chili paste).
  • ૧/૪ ચમચી હળદર પાવડર(turmeric powder).
  • ૧ ચમચી લાલ મરચું પાવડર(red chili powder).
  • ૧ ચમચી કોથમીર(coriander leaves).
  • ૧ ચમચી લીંબુનો રસ(lemon juice).
  • નમક સ્વાદ અનુસાર(salt).
  • ૨ ચમચી તેલ(oil).

પાઉ ભાજી પરોઠા બનાવવાની રીત:

  • સૌ પ્રથમ એક બાઉલમાં મેંદાનો લોટ, ઘઉંનો લોટ લઇ તેમાં તેલ ઉમેરી મિક્ષ કરી લો. હવે તેમાં જરૂર અનુસાર પાણી ઉમેરી લોટ ગુંદી લો. હવે આ લોટને ૫-૭ મિનીટ સુધી ઢાંકીને મૂકી દો.
  • હવે પાઉ ભાજી બનાવવા માટે એક કડાઈમાં તેલ ગરમ કરી, તેમાં ડુંગળી ઉમેરી થોડી વાર સુધી સાંતડો. હવે તેમાં આદું-લસણ-મરચાંની પેસ્ટ ઉમેરી થોડી વાર સુધી સાંતડો.
  • હવે તેમાં ટામેટા ઉમેરી તે સોફ્ટ બની જાય ત્યાં સુધી પકાઓ. હવે તેમાં નમક, હળદર પાવડર, લાલ મરચું પાવડર, પાઉ ભાજી મસાલા નાંખી બધાજ મસાલાઓ થોડી વાર સુધી સાંતડો.
  • હવે તેમાં બાફેલ શાકભાજીઓ ઉમેરી સ્મેશરની મદદથી સ્મેશ કરી લો અને તે ઘટ્ટ થઇ જાય ત્યાં સુધી પકાઓ. હવે ગેસ બંધ કરી સ્ટફીંગને બાઉલમાં લઇ અને એકબાજુ મૂકી દો.
  • હવે લોટમાંથી નાની સાઈઝના બોલ્સ બનાવી લો અને તેની પાતળી પૂરી વણી લો. હવે તેમાં વચ્ચે ૧ ચમચી જેટલું સ્ટફીંગ મુકો. આપ ઓછુ કે વધુ સ્ટફીંગ પણ મૂકી શકો છો.
  • હવે તેની બધી કિનારી ભેગી કરી લો અને તેને ફરીથી પરોઠાના શેપમાં વણી લો. આ રીતે બધાજ પરોઠા વણી લો.
  • હવે તવાને ગરમ કરી પરોઠાને તેલ, માખણ, અથવા ઘીમાં શેકી લો. આ રીતે બધાજ પરોઠા શેકી ગરમા ગરમ સર્વ કરો.

Related posts

પ્રાણ પ્રતિષ્ઠા પહેલા અયોધ્યામાં હુમલાનું ષડયંત્ર

Vivek Radadiya

આ 5 ગેજેટ્સથી તમે તમારી જાતને ઝેરી હવાથી રાખી શકો છો સુરક્ષિત

Vivek Radadiya

કાંકરિયા કાર્નિવલ અને 31મી ડિસેમ્બરને લઈ પોલીસનું શું છે તૈયારી?

Vivek Radadiya