વિશ્વના સૌથી મોટા સોશિયલ મીડિયા પ્લેટફોર્મ X (Twitter) વપરાશકર્તાઓ માટે નવું ફીચર લાવ્યું છે. X વપરાશકર્તાઓ માટે ઑડિયો અને વીડિયો કૉલિંગ સુવિધા શરૂ થઈ ગઈ છે. ટ્વિટરના માલિક એલોન મસ્કએ X પ્લેટફોર્મ પર એક પોસ્ટ શેર કરી અને આ સુવિધાના રોલઆઉટ વિશે માહિતી આપી. મસ્કનું કહેવું છે કે ટૂંક સમયમાં આ ફીચર તમામ યુઝર્સ માટે ઉપલબ્ધ થશે.એલોન મસ્કના X (Twitter) પ્લેટફોર્મ પર ઓડિયો-વીડિયો કોલ ફીચર લોન્ચ
CEO લિન્ડા યાકારિનોએ પુષ્ટિ કરી હતી
ઓગસ્ટ 2023 માં, કંપનીના CEO લિન્ડા યાકારિનોએ પુષ્ટિ કરી હતી કે ટૂંક સમયમાં X સોશિયલ મીડિયા પ્લેટફોર્મ પર કોલિંગ સુવિધા ઉપલબ્ધ થશે. જેના દ્વારા યુઝર્સ પોતાનો ફોન નંબર શેર કર્યા વગર ઓડિયો અને વિડિયો કોલ કરી શકશે.
લિન્ડાએ વધુમાં જણાવ્યા હતું કે, આ ફંક્શન ફક્ત ‘ડાયરેક્ટ મેસેજ’ (DM) મેનૂમાં જ ઉપલબ્ધ કરાવવામાં આવશે. અને સ્પામ કોલ રોકવા માટે પ્લેટફોર્મ પર કેટલાક નિયંત્રણો પણ લાદવામાં આવશે.
X પર ઑડિયો-વિડિયો કૉલ્સ કેવી રીતે કરવા
- X પર ઓડિયો અને વિડિયો કોલ કરવા માટે, પહેલા એપ સેટિંગ્સ પર જાઓ
- ત્યારબાદ ‘પ્રાઈવસી એન્ડ સેફ્ટી’ ઓપ્શન પર ટેપ કરો
- આ પછી ‘ડાયરેક્ટ મેસેજ’ પર ક્લિક કરો
- જો તમારા એકાઉન્ટ પર નવી સુવિધા ઉપલબ્ધ છે, તો તમે ‘ઑડિયો અને વીડિયો કૉલિંગ સક્ષમ કરો’ નામનું ટૉગલ જોશો.
- તેને ચાલુ કરો અને હવે તમે ઑડિયો-વિડિયો કૉલ્સ કરી શકશો
એલોન મસ્કના X (Twitter) પ્લેટફોર્મ પર ઓડિયો-વીડિયો કોલ ફીચર લોન્ચ
આ ઉપરાંત, X પર ઘણા કસ્ટમાઇઝેશન વિકલ્પો પણ ઉપલબ્ધ કરવામાં આવ્યા છે. યૂઝર્સ તેમની સગવડતા અનુસાર પસંદ કરી શકે છે કે જેમ કે તેઓ કયા યુઝર્સ પાસેથી કૉલ પ્રાપ્ત કરવા માગે છે. જો તમે ઇચ્છો, તો તમે ‘People in your address book’, ‘People you follow’ અથવા ‘Verified users’ વિકલ્પમાંથી પસંદ કરી શકો છો.
WhatsApp અને Instagram ની જેમ, તમે કોઈપણ ચેટના ઉપરના જમણા ખૂણામાં એક કૉલિંગ બટન જોશો.
તમને જણાવી દઈએ કે ગયા વર્ષે (ઓક્ટોબર 2022) એલોન મસ્કે ટ્વિટરને હસ્તગત કર્યું હતું. ત્યારથી, અબજોપતિ ઉદ્યોગપતિએ પ્લેટફોર્મની બ્રાન્ડિંગ અને સુવિધાઓમાં ઘણા ફેરફારો કર્યા છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…….
