સુરત ડાયમંડ બુર્સની ખાસિયતો

સુરત ડાયમંડ બુર્સની ખાસિયતો રાજ્યની આર્થિક રાજધાની ગણાતું સુરત ડાયમંડ અને ટેક્સટાઈલ ક્ષેત્રે વિકાસની નવી ક્ષિતિજો પાર કરી રહ્યું છે. જેમાં સુરતના ખજોદ વિસ્તારમાં નિર્માણ પામેલું ‘સુરત ડાયમંડ બુર્સ’ રાજ્ય અને દેશના આર્થિક વિકાસ માટે સીમાચિહ્ન બનશે. આર્થિક વિકાસ માટે યશકલગી સમાન ડાયમંડ બુર્સ સુરતના હીરા ઉદ્યોગને એક નવી ચમક પ્રદાન કરશે. 35.54 એકર વિશાળ જગ્યામાં સેન્ટ્રલ બિઝનેસ ડિસ્ટ્રીક્ટ (CBD) અને સામાજિક, વ્યાપારિક તથા શૈક્ષણિક માળખાગત સુવિધાઓ સાથે અતિમહત્વકાંક્ષી ‘સુરત ડ્રીમ સિટી’ પ્રોજેક્ટના ભાગરૂપે સાકાર થયેલા બુર્સને વડાપ્રધાન નરેન્દ્ર મોદી 17મી ડિસેમ્બરે ખૂલ્લું મૂકશે.

વૈશ્વિક નજરાણા સમાન સુરત ડાયમંડ બુર્સની ખાસિયત

67 હજાર લોકો, વ્યાપારીઓ, મુલાકાતીઓ કામ કરી શકે, આવ-જા કરી શકે એટલી ક્ષમતા
હાઈ સિક્યોરિટી ચેકપોઈન્ટ્સ, પબ્લિક અનાઉન્સમેન્ટ સિસ્ટમ, એન્ટ્રીગેટ પર કાર સ્કેનર્સ
67 લાખ સ્કવેર ફુટ બાંધકામ અને 4500થી વધારે ડાયમંડ ટ્રેડિંગની ઓફિસ
બિલ્ડીંગ યુટિલીટી સર્વિસિસને મોનિટરીંગ અને કંટ્રોલ કરવા માટે બિલ્ડીંગ મેનેજમેન્ટ સિસ્ટમ (BMS)
300 સ્કવેર ફૂટથી 1 લાખ સ્કવેર ફૂટ સુધીની અલગ અલગ સાઈઝની ઓફિસો
દરેક ટાવરને દરેક ફલોરથી કનેકટ કરતું સ્ટ્રકચર સ્પાઈનની લંબાઈ 1407 ફૂટ અને પહોળાઈ ઓછામાં ઓછી 24 ફૂટ
ઈમ્પોર્ટ-એક્ષપોર્ટ માટે કસ્ટમ ક્લિયરન્સ હાઉસની સુવિધા
સ્પાઈનમાં 4 અલગ અલગ સેફ (લોકર) વોલ્ટની સુવિધા
દરેક ઓફિસમાંથી ગાર્ડન વ્યૂ
સ્પાઈનના કોમન પેસેજને ઠંડો રાખવા માટે- રેડિયન્ટ કુલિંગ સિસ્ટમ (3.40 લાખ રનીંગ મીટર પાઈપ)
ગ્રાઉન્ડ ફલોર પર મેમ્બરો માટે બેંક, રેસ્ટોરન્ટ, ડાયમંડ લેબ વગેરે સુવિધાઓ
સંપૂર્ણ એલિવેશન: ચારે બાજુથી ગ્રેનાઈટ અને કાચથી કવર
ફલોર હાઈટ: ગ્રાઉન્ડ ફલોર- 21 ફૂટ, ઓફિસ- 13 ફૂટ
મેઈન સેરમેનિયલ એન્ટ્રીની હાઈટ: 229 ફૂટ