IMPS દ્વારા પૈસા મોકલવા માટે તમારે એકાઉન્ટ નંબર અને આઈએફએસસી કોડ આપવાનો હોય છે. અથવા તો રિસીવરના MMIDની જરૂર પડે છે.
- IMPS દ્વારા મોકલી શકાશે 5 લાખ રૂપિયા
- આ સર્વિસ 24/7 કરે છે કામ
- IMPS આપી રહ્યું છે ખાસ સર્વિસ
IMPSનો ઉપયોગ કરી એક ખાતામાંથી બીજા ખાતામાં પૈસા મોકલનાર લોકો માટે સારા સમાચાર આવ્યા છે. તમે હવે જલ્દી જ ફક્ત ફોન નંબર અને એકાઉન્ટ નંબર નાખીને જ IMPSથી ટ્રાન્સફર કરી શકો છો. અત્યાર સુધી તેના દ્વારા પૈસા મોકલવા માટે એકાઉન્ટ નંબરની સાથે બેંકનું નામ અને IFSC કોડ આપવો જરૂરી હતો. IMPS દ્વારા તમે 5 લાખ રૂપિયા તરત બીજા કોઈ પણ એકાઉન્ટમાં નાખી શકો છો.
.jpg)
રિયલ ટાઈમ પેમેન્ટ સેવા
આ એક રિયલ ટાઈમ પેમેન્ટ સેવા છે જે 24/7 કલાક અને સાતો દિવસ કામ કરે છે. આ સેવા નેશનલ પેમેન્ટ કોર્પોરેશન ઓફ ઈન્ડિયા દ્વારા ઉપલબ્ધ કરાવવામાં આવે છે જેના દ્વારા તમે તરત જ પૈસા ટ્રાન્સફર કરી શકો છો. IMPS દ્વારા 2 પ્રકારના પેમેન્ટ કરવામાં આવે છે.
પહેલુ વ્યક્તિના એકાઉન્ટથી. તેમાં તમને રિસીવરનો એકાઉન્ટ નંબર અને બેંકનું નામ અને આઈએફએસસી કોડ આપવાનો હોય છે. બીજી રીત એ છે કે તમને રિસીવરના મોબાઈલ નંબર અને મોબાઈલ મની આઈડેંટિફાયર આપવાનું હોય છે. MMID બેંક દ્વારા જાહેર 7 અંકોની સંખ્યા હોય છે જે મોબાઈલ બેંકિંગના એક્સેસ માટે આપવામાં આવે છે.
વેલિડેશન પણ જોડવામાં આવશે
રિપોર્ટ અનુસાર IMPS સેવામાં બેનિફિશિયરી વેલિડેશન સર્વિસ પણ જોડવામાં આવશે. તેનાથી પૈસા મોકલનાર એ જોઈ શકશે કે તે પૈસા મોકલી રહ્યા છે તે એકાઉન્ટ નંબર યોગ્ય છે કે નહીં. તેના માટે બેંકના રેકોર્ડ્સનો સહારો લેવામાં આવશે.
