ફિલિપાઈન્સમાં 85 સૈનિકોએ લઈને જઈ રહેલું એક મિલિટ્રી પ્લેન રવિવારે ક્રેશ થઈ ગયું. આર્મી ચીફ જનરલ સિરિલિટો સોબેજાનાએ AFPને જણાવ્યું કે સી-130 પ્લેનમાં આગ લાગી હતી. દુર્ઘટનામાં 17 સૈનિકોનું મૃત્યુ થયુ છે. જોકે 40 સૈનિકોને બચાવી લેવામાં આવ્યા છે. તેમને હોસ્પિટલમાં દાખલ કરવામાં આવ્યા છે. જે સમયે દુર્ઘટના બની તે સમયે પ્લેન સુલુ રાજ્યના જોલો આઈલેન્ડ પર લેન્ડ કરવાની કોશિશ કરી રહ્યું હતું.
સોબેેજાનાએ જણાવ્યું કે રાહત અને બચાવ દળના લોકો ઘટના સ્થળે પહોંચી ગયા છે. અમે ભગવાનને પ્રાર્થના કરી રહ્યાં છે કે દુર્ઘટનામાં ઓછામાં ઓછા લોકોને નુકસાન પહોંચે. પ્લેનમાં જઈ રહેલા લોકોએ તાજેતરમાં જ બેઝિક મિલિટ્રી ટ્રેનિંગ લીધી હતી.
દુર્ઘટના પછી પ્લેનમાંથી નીકળતા ધુમાડાના ગોટા દૂર સુધી જોવા મળ્યા. ફોટો- Pondhon TV
પ્લેન કાગાયન ડી ઓરો સિટીથી સુલુ રાજ્યના જોલો આઈલેન્ડ માટે ઉડાન ભરી હતી.
આ લોકોને આતંકીઓ પર નજર રાખવા માટે જાણીતા આઈલેન્ડ્સ પર તહેનાત કરવાના હતા. ફિલિપાઈન્સના આ આઈલેન્ડ્સ પર મુસ્લિમ વસ્તી વધુ છે. અહીં ખંડણી માટે કોઈનું પણ અપહરણ કરવામાં આવે છે, આ કારણે અહીં મોટી સંખ્યામાં જવાનોને તહેનાત કરવામાં આવે છે. આ વિસ્તાર દક્ષિણ ફિલિપાઈન્સમાં આવે છે. અહીં અબુ સૈય્યફ નામનુ આતંકી સગઠન એક્ટિવ છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…
