વિશ્વમાં સૌથી વધુ રોજગારી ભારતમાં મળશે વિશ્વભરમાં મંદી વચ્ચે ભારત આગામી ત્રણ મહિનામાં મહત્તમ રોજગારીનું સર્જન કરે તેવી અપેક્ષા છે. 37 ટકા કંપનીઓએ કહ્યું કે તેઓ કર્મચારીઓની સંખ્યામાં વધારો કરશે જે 2023 ની સરખામણીમાં પાંચ ટકા વધુ છે.
વિશ્વભરમાં મંદી વચ્ચે ભારત આગામી ત્રણ મહિનામાં મહત્તમ રોજગારીનું સર્જન કરે તેવી અપેક્ષા છે. 37 ટકા કંપનીઓએ કહ્યું કે તેઓ કર્મચારીઓની સંખ્યામાં વધારો કરશે જે 2023 ની સરખામણીમાં પાંચ ટકા વધુ છે.
41 દેશના સર્વેમાં ભારતમાં કર્મચારીઓની સૌથી વધુ ભરતી થશે
મેનપાવર ગ્રુપે તમામ ક્ષેત્રોમાં લગભગ 3,100 કંપનીઓ પર હાથ ધરેલા સર્વેમાં જણાવ્યું હતું કે 41 દેશોમાં ભારતમાં કર્મચારીઓની ભરતીની સૌથી વધુ સંભાવના છે. મેનપાવરગ્રુપ ઈન્ડિયા અને મિડલ ઈસ્ટના એમડી સંદીપ ગુલાટીએ સર્વેને ટાંકીને જણાવ્યું હતું કે, ભારત અને નેધરલેન્ડ 37 ટકા ભરતીની સંભાવના સાથે ટોચ પર છે.
કોસ્ટા રિકા અને અમેરિકા 35 ટકા સાથે બીજા સ્થાને છે, મેક્સિકો 34 ટકા સાથે ત્રીજા સ્થાને છે. જોકે, વૈશ્વિક ભરતી 26 ટકા રહેવાની ધારણા છે. નાણાકીય અને રિયલ એસ્ટેટ ક્ષેત્રમાં મહત્તમ 45 ટકા ભરતી અપેક્ષિત છે. આઈટીમાં 44 ટકા અને કન્ઝ્યુમર ગુડ્સ સર્વિસમાં 42 ટકા વૃદ્ધિની અપેક્ષા છે.વિશ્વમાં સૌથી વધુ રોજગારી ભારતમાં મળશે
પશ્ચિમ ભારતમાં ભરતી વધુ થવાની આશા
પશ્ચિમ ભારતમાં ભરતીની અપેક્ષા 39 ટકા છે અને ઉત્તર ભારતમાં તે 38 ટકા છે. પૂર્વ વિસ્તારમાં સૌથી નબળી ભરતીની અપેક્ષા છે. મોટાભાગની કંપનીઓ પોસ્ટ મુજબ કુશળ ઉમેદવારો શોધી શકતી નથી.
પરિવહન, લોજિસ્ટિક્સ સૌથી વધુ પ્રભાવિત
ભારતમાં 81 ટકા નોકરીદાતાઓ માને છે કે કુશળ કર્મચારીઓ ઉપલબ્ધ નથી. ટ્રાન્સપોર્ટ, લોજિસ્ટિક્સ અને ઓટોમોટિવ સેક્ટર આ અછતથી સૌથી વધુ પ્રભાવિત છે.
અર્થવ્યવસ્થામાં સુધારો થઇ રહ્યો છે
નાણા પ્રધાન નિર્મલા સીતારમણે તાજેતરમાં જણાવ્યું હતું કે છૂટક ફુગાવો હવે ‘સ્થિર’ છે અને કેટલાક પ્રસંગોએ ફુગાવામાં કામચલાઉ વધારો વૈશ્વિક આંચકા અને પ્રતિકૂળ હવામાન પરિસ્થિતિઓને કારણે માંગ-પુરવઠાના તફાવતને કારણે થયો છે. લોકસભામાં એક લેખિત જવાબમાં, સીતારમણે કહ્યું કે ભારતનો છૂટક ફુગાવો એપ્રિલ-ઓક્ટોબર 2022માં સરેરાશ 7.1 ટકાથી ઘટીને 2023માં સમાન સમયગાળામાં 5.4 ટકા થવાની ધારણા છે.
બીજી તરફ કેન્દ્રીય સ્વાસ્થ્ય મંત્રી મનસુખ માંડવિયાએ સોમવારે અમદાવાદમાં જણાવ્યું હતું કે ભારતની બાયોઇકોનોમી છેલ્લા આઠ વર્ષમાં આઠ ગણી વધીને $80 બિલિયન થઈ છે. દેશે 2030 સુધીમાં $600 બિલિયન સુધી પહોંચવાનું લક્ષ્ય રાખ્યું છે. મંત્રીએ વાઇબ્રન્ટ ગુજરાત પહેલા આયોજિત ‘બાયોટેકનોલોજીઃ પાથવે ટુ ઇનોવેશન એન્ડ વેલબીઇંગ ફોર ડેવલપમેન્ટ ઇન્ડિયા’ વિષય પરના સિમ્પોઝિયમને સંબોધિત કરી રહ્યા હતા.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે…
