તમે પણ બની શકો છો ડીપફેકનો શિકાર જનરેટિવ AIએ આવા નકલી અને એડિટેડ ડીપફેક ફોટો-વીડિયો બનાવવાનું ખૂબ જ સરળ બની ગયુ છે. આની મદદથી કોઈપણ વ્યક્તિનો પળવારમાં આવો વીડિયો બનાવી શકાય છે. રશ્મિકાના એડિટેડ વીડિયો સામે આવ્યા બાદ સુપરસ્ટાર અમિતાભ બચ્ચને તેના પર તપાસની માગ કરી છે. ખુદ રશ્મિકાએ પણ સોશિયલ મીડિયા પર પોસ્ટ કરતા તેને ખૂબ ડરામણું ગણાવ્યું છે.
રશ્મિકા મંદાના બાદ હવે કેટરિના કૈફ ડીપફેકનો શિકાર બની છે. ત્યારે તે સોશિયલ મીડિયા પર ઝડપથી વાયરલ થઈ રહ્યું છે. AIની મદદથી કેટરિનાનો તેની આગામી ફિલ્મ ટાઈગર 3ના ટોવેલ ફાઈટ સીન સાથે ચેડા કરી નવું વર્ઝન બનાવવામાં આવ્યું છે. કેટરિના ટુવાલને બદલે લો-કટ વ્હાઈટ ટોપમાં જોવા મળે છે, જે સંપૂર્ણપણે નકલી છે અને તેને AIની મદદથી ડીપફેક કરવામાં આવ્યુ છે. જો કે આ પહેલા પુષ્પાની લીડ એક્ટ્રેસ રશ્મિકા મંદન્ના ડીપફેકનો શિકાર બની હતી. તેની લિફ્ટનો ડીપફેક વીડિયો વાયરલ થયો હતો.
તમે પણ બની શકો છો ડીપફેકનો શિકાર
કોઈ પણ વ્યક્તિ ડીપફેક ટેકનો ભોગ બની શકે છે
ડીપફેક ટેક્નોલોજીના દુરુપયોગ અંગે સતત ફરિયાદો મળી રહી છે. માત્ર સેલિબ્રિટી કે નેતાઓ જ નહીં પરંતુ સામાન્ય લોકો પણ તેનો શિકાર બની શકે છે. આવી સ્થિતિમાં, આપણે આપણી જાતને બચાવવા માટે કેટલાક સાવચેતીનાં પગલાં લેવા જોઈએ, જેથી આપણે આવી તકનીકની જાળમાં ન ફસાઈએ. ચાલો પહેલા જાણીએ કે ડીપફેક ટેક્નોલોજી શું છે.
ડીપફેક ટેકનોલોજી શું છે?
ડીપફેક એટલે આર્ટિફિશિયલ ઈન્ટેલિજન્સ (AI) વડે બનાવેલા ફોટા, વીડિયો, ઓડિયો. ખરેખર, ડીપફેક સામગ્રી સંપૂર્ણપણે નકલી છે, પરંતુ તે એકદમ વાસ્તવિક લાગે છે. આના દ્વારા કોઈ પણ વ્યક્તિની જગ્યાએ બીજી કોઈ વ્યક્તિને ફિટ કરી શકે છો.
ડીપફેકનો સૌથી મોટો ખતરો એ છે કે તે સમાજમાં સરળતાથી ખોટી માહિતી ફેલાવી શકે છે. લોકો માટે વાસ્તવિક અને નકલી વચ્ચે તફાવત કરવો ખૂબ જ મુશ્કેલ બની જાય છે.
ડીપફેકનો શિકાર બનતા કેવી રીતે બચી શકાય ?
ડીપફેકનો શિકાર કોઈપણ બની શકે છે. તમારી દુશ્મની કરવા માટે, કોઈપણ તમારો ડીપફેક ફોટો અથવા વિડિયો વાયરલ કરી શકે છે. તે સ્પષ્ટ છે કે આવી શક્યતાઓને નકારી શકાય તેમ નથી. તેથી, આ ટીપ્સ તમને ડીપફેક્સની જાળમાં ફસાવાથી બચવામાં મદદ કરી શકે છે.
ડીપફેક ટાળવા માટે, તમારે તમારી ઓનલાઈન હાજરી ઓછામાં ઓછી રાખવી પડશે. આનો અર્થ એ છે કે સોશિયલ મીડિયા પ્લેટફોર્મનો ઉપયોગ સાવધાની સાથે કરવો જોઈએ. જો તમને અવાર નવાર ફોટા અને વીડિયો પોસ્ટ કરવાની આદત હોય તો તે કોઈ AI ટેકનોલોજીનો ઉપયોગ કરી તમારી સાથે પણ ફોટા કે વીડિયોમાં ચેડા કરી શકે છે. તમે જોખમમાં મુકાઈ શકો છો. તેથી, સોશિયલ મીડિયા એકાઉન્ટ્સને જાહેરને બદલે ખાનગી રાખો અને મજબૂત પાસવર્ડનો ઉપયોગ કરો.
જો તમારી સાથે ડીપફેક જેવી ઘટના બને તો તરત જ પોલીસ અથવા સાયબર સેલમાં ફરિયાદ કરો. આઈટી એક્ટ, 2000 હેઠળ, કોઈની નકલ કરીને કંઈપણ ઓનલાઈન પોસ્ટ કરવું એ ગુનો છે. આમ કરવાથી ઓછામાં ઓછો 1 લાખ રૂપિયાનો દંડ અને જેલની સજા પણ થઈ શકે છે.
નીચે આપેલી લીંક પર ક્લિક કરીને જોડાઓ Abhayam news સાથે.
વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
તમે અમને Whatsapp , Facebook , instagram અને Youtube પર પણ લાઇક અને ફોલો કરી જોડાઓ Abhayam news સાથે
